Раиса Михайловна Баталовакöт тöдсасьöм П. М. Королевлöн ас понда гижöттэзісь

Posted: 2012/06/05 in Uncategorized
Метки: ,

Кудымкар карын пермистика сьöрті симпозиум, кöда лöсьöтöм Р.М. Баталовалöн 80-öт тырöм во кежö.
Пукалам университетын 202 жырын. Кадыс 10:00. Часöт пондöтчас йöзкостся симпозиум, кöда чулöтсьö пермскöй кыввезлöн диалектология да история сьöрті.
Одзза этажлöн пыранінас вузалöны небöггез да киöн керöм берся сувенир. Казялі мöдгодся конференция вылісь öктöм докладдэзöн небöг, кытісь эг адззы ассим докладöс. Тöд вылö усис, кыдз шусис докладö: «О соотношении глобального и локального». Сы йылісь матына менам и тавося докладö. Юрам видза, мыля паськыта да пыдына босьтöмсö оз лэдзö ас пытшкö нія, кöдна видзöтöны öтік или мöдік тема. Е. Цыпанов висьталіс аслас докладлöн тема дын замечаннё: сія тöдчöмöн паськыт (К вопросу о дивергенции протокоми и протоудмуртского языков), кöда и мыччалö исследованнёлісь научнöя видзöтöмсö (эта йылісь бура гижис Умберто Эко аслас небöгын «Как написать дипломную работу» – эстöн сія тшöктö сідз петкöтны темасö, мед сія вöлі босьтöм векнита). Паськыта да пыдына босьтöм темаыс повзьöтö сійöн, эд паськыт да пыдын темасö вежöртöны кыдз абстрактнöйö, или быдöс йылісь невночкаöн, а сідз – нем йылісь.
Ме сьöрті паськыта да пыдына босьтöм темаыс унажыксö лоö интегральнöйöн, быдсаöн. Но, поди, сія и повзьöтö.
Пленарнöй заседаннё. Мунöны одзлань выступленнёэз. Юбиляршаыс сё абу. Савельев лыддьöтö доклад, залас – кин кашляйтö, кин баитö. Поди сійöн – сія баитö быдыслö тöдса йылісь.
Сія сідз и эз лок. Торья ассяма морт?
Но мийö мылякö лоим ордчöн., ме и Раиса Михайловна, юбилярша. Мийö пукалам студенттэз понда аудиторияын одзза пызан сайын. Мунö баитчöм «гöгрöса пызан» сайын. Крайись чиновник мыйкö баитö, баитö орсöмöн моз да ыштöмöн районнэзісь пантасьöм вылö корöм юраліссез одзын. РМ ёся кыввезöн сетö замечаннёэз. Баитö В. С. Дерябин, и эстöн РМ ас кежас оз соглашайтчы баитісьыскöт, но сы йылісь сія гусьöн висьталö дзир меным. Кöть мийö и пукалам тöдчана (лобнöй) местаын, мийö вермам висьтавны öтамöдлö уна идеяэз йылісь, ны коласын пырсялöн (традиционнöйлöн) да вильлöн (инновационнöйлöн) öтамöдкöт йитсьöммез йылісь, мыйöн оз вачкисьö пермяккез да зыряна, мый видзö лов, кöдатöг мортыс öштö асьсö (этö не дзир принциплöн тор, этö – ловлöн аскоддя видзсьöм, кöда вачкисьö йогалöн медыджыт ассаннэз вылö). Куим во чулалöм сайын, висьтасьö Раиса Михайловна, сылöн лэбтісьöм давленнё. Ме шуи: менам мамöлöн давленнёыс сідз жö лэбтісьліс 240-öдз. Сія: а 300 тіянлö оз ков. Сідз оз вермы вöвны… – мöді висьтавны паныт. Но сія эд сідз, вермис шогмыны медумöль, эз кö отсав лов. Ме видзöта сы вылö, сыын эм кытшöмкö вын, кöда кыскö дынас, и ме верита сылö. Мийö баитам свобода йылісь – кöда петö пытшкись и оз видзöт нем вылö. Ме вежöрта: эмöсь пермяккез и эмöсь пермиччез, юрö пырис: пермскöй кыввез – лоö тöдчанажыкöн, кöдалöн торыс шусьö (РМ кыввез сьöрті – не сідз) коми-пермяцкöй кылöн. Меным бур: уна воэз сьöрна ме вöлись пантаси наукаись морткöт. Мийö сёрнитам понятиеэзлöн зорамöм йылісь. Пöриссес видзöны миянöс ас берданыс, колö адззыны и вильсö. Быдса лун етш ас пытшкын кошшисьтöн муні ылокодь, ме сувта сылö паныт, баита: эмöсь важ висьталöммез, кöдна йылісь вунöтісö, бур – бергöтны нійö бöрлань. Кыдз, диалект диалог туйö. кыт н мунö серни, мед петкöтны быльсö. Сія паныт оз висьтав нем, мыйкö видзö юрас или оз бы дойд менö.
Гöгрöс пызан сайын баитöны велöтчöм, гармонизация да мöдік проблемаэз йылісь. Ме гусьöника юася сылісь: Тійö пондат баитны? А кыдз нö, ме лöсьöтчи, – мыччалö кык листбок, кöдна вылын петкöтöмась веськыт букваэз велöтісьлöн киöн. «Будем завершать», – горöтчö чиновник. А меным кывсö сетат? – юасьö. -Да-да, пожалуйста, Раиса Михайловна.
Сія пондіс баитны, выныс сы кыввезын сымда, нельки бобгиссес да асьнысö мыччаліссес öвсисö. Сія баитіс сы йылісь, мый видзис юрас этія вотöдз: медтöдчана йылісь, мый йылісь оз туй чöвны, сэтöн жö сія висьтавліс ассис замечаннёэз. Басниыс сылöн муніс кыдз Флоренскöйлöн lektio, кыскис ас сьöрас адззыны да кывны финно-угорскöй языкознаннёсь диалектология сьöрті сылісь велöтöмсö, мукöд пыр сія кежаліс бокö, и нія «кежалöммес» вöлісö öддь н тöдчанаöсь: эстöн вöлі и чорыта висьталöм öнняся аспиранттэзлöн тэрмасьöм вылö, и чиновниккезлöн аймам одзын ыштöм. Колö вöвны чорытжыкöн: тэ-кö (ловыт тэнат) бöрйис пермяцкöй му, тэныт ковсяс сійö мусö босьтны сьöлöмат да отсавны сылö зорамны, оз ков видзöтны дзир рыночнöй эффективность да вермасян ладорсянь.
Этія висьтасьöмыс вöлі паськыт да вежöртана, но сідз жö сöстöм сьöлöмсянь да висяна ловсянь. Вуджöтіс Л. А. Никитина

Материалы Пермистики-XIV см. здесьhttps://plus.google.com/photos/106581571970799664939/albums/5861544410453275201

Реклама
Комментарии
  1. О проблемах диалектологии и судьбе коми-пермяцкого литературного языка cм. permk.wordpress.com/c-elements

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s